- 20 -

1300. Nov. 12. Liegnitz.

Herzog Boleslaus bekennt, dass Johannes, Abt des Klosters Leubus im Namen des Conventes dem Bürgermeister und den Rathmannen der Stadt Liegnitz 7 Mark jährl. Zins auf einer Badestube circa curiam episcopalem (Bischofshof) jenseit der Katzbach und auf das Schrotamt angewiesen habe.

In nomine domini amen. Ne ea, que sub tempore disponuntur, vna cum temporalibus in obliuionem tenebris suffocentur, congruum esse videbitur et consentaneum racioni, vt testium fidorum litterarumque patrocinio roborentur, ex hinc est, quod nos Boleslaus dei gracia dux Slezie et dominus in Legnicz vniversis, tam presentibus, quam futuris, quorum presencie presentes exhibite fuerint, volumus esse notum, quod in nostra presencia constitutus reuerendus vir dominus Johannes, abbas Lubensis, bona sui corporis valitudine, libero arbitrio, sane sui conuentus consilio et consensu, nemine reluctante, dedit et assignauit circumspectis viris et fidelibus nostris magistro ciuium in Legnicz et consulibus ibidem tam presentibus quam ipsis in posterum succedentibus nomine ciuitatis septem marcas census super stubam balnei circa curiam episcopalem supra flumine Kaczbach situata et super vectigacione vasorum, quod wlgariter schrotamecht dicitur, singulis annis libere et inperpetuum possidendum, tollendum, vendendum, alienandum, commutandum et in suos vsus, prout vtilius videbitur, conuertendum. Ea videlicet aub condicione, ut bona seu redditus, quos presumptus abbas et suus conuentus in ciuitate vel foris ciuitatem Legnicz iam dictam, sub forma priuilegiorum ciuitatis eiusdem pro nunc se habere valeant demonstrare, ab omni exaccione, contribucione, monetalibus et alijs quibuscumque donacionibus, vna cum pretacta ciuitate dandis, sint libera et inperpetuum exempta. Nos vero eidem resignacioni prenotati census benegnius conniuentes contillimus predictis nostris fidelibus, magistro ciuium et consulibus nostre iam dicte ciuitatis Legnicensis et ipsis succedentibus nostre ciuitatis prefatum septem marcamm censum supradicta condicione in perpetuum possidendum; vt autem prenarrata firma et inuiolata perpetue valeant permanere, presentes confici iussimus, nostri sigilli munimine consignatas. Datum et actum in Legnicz sabbato proximo post diem beati Martini. Anno domini millesimo trecentesimo. Presentibus testibus subnotatis videlicet Borutha, seniore de Stachow, Steffano de Parchewicz, Theodrico de Predil, Jeskone de Berndorff, militibus, Johanne Rymberg, Ranfoldo de Schiltberg et Nicolao nostre curie notario, qui presentes habuit in commisso.

Bitschen Privilegb. XXXVIb. — Dessen Geschossbuch, S. 50.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866